Buses

கோவை-பொள்ளாச்சி, பழநி வழித் தடத்தில் செல்லும் “மப்சல்’ பஸ்கள் மடத்துக்குளம் வழியாக சென்று திரும்புகின்றன.பழநி செல்லும் பஸ்களும்,கோவை செல்லும் பஸ்களும் பஸ் ஸ்டாண்டுக்குள் வராமல் நெடுஞ்சாலையில் நின்று பயணிகளை ஏற்றி செல்லும் நிலை உள்ளது.

ஒரே நேரத்தில் ரோட்டின் இரண்டுபக்கமும் பஸ் நிற்பதால் போக்குவரத்து பாதிப்பதுடன் விபத்துக்கள் நடக்கும் அபாயமும் உள்ளது.மடத்துக்குளம் பகுதியில் இருந்து தினசரி பள்ளி மற்றும் கல்லூரிக்கு ஐந்து ஆயிரத்துக்கும் அதிகமான மாணவர்கள் சென்று திரும்புகின்றனர். இவர்களில் பெரும்பாலானோர் மடத்துக்குளம் பஸ் ஸ்டாண்டு பகுதியை பயன்படுத்து கின்றனர்.

காலை மற்றும் மாலை நேரங்களில் வேலைக்கு செல்பவர்களும், பள்ளி மாணவர்களும் அதிகளவில் இங்கு ஒன்று சேர்வதால் கூட்ட நெரிசல் ஏற்படுகிறது.

இந்நிலையில் பஸ்ஸ்டாண்டுக்கு வெளியே அனைத்து பஸ்களும் நிற்பதால் கூட்டம் முழுவதும் நெடுஞ்சாலையின் இரண்டு பக்கமும் ஆக்கிரமித்து விடுகிறது.இதனால் வாகனங்கள் விலக இடமின்றி போக்குவரத்து பாதிக்கிறது.

பொது மக்கள் கூறியதாவது: பல லட்சம் ரூபாய் செலவில் கட்டப்பட்ட பஸ் ஸ்டாண்டை பொது மக்கள் பயன்படுத்தாமல் ரோட்டுப்பகுதியில் நின்று பஸ் ஏற வேண்டிய அவலநிலை உள்ளது. இதுகுறித்து பல முறை போக்குவரத்துறையினருக்கு மனு கொடுத்தும் எந்த நடவடிக்கையும் மேற்கொள்ளவில்லை.

மடத்துக்குளம் பஸ்ஸ்டாண்டுக்குள் “மப்சல்’ பஸ்கள் வந்து திரும்பினால் நெடுஞ்சாலையில் விபத்துக்கள் நடப்பது தடுக்கப்படுவதுடன், பயணிகளின் சிரமம் குறையும் என்றனர்.

நன்றி தினமலர்

Bus Stand

கழிவு நீர் ஆறாக ஓடி, பஸ் ஸ்டாண்ட் முழுவதும் குளம் போல் தேங்கி நிற்கிறது. சாக்கடை கழிவுகளுடன், மனித கழிவுகள் மற்றும் எச்சில் இலைகளும் பஸ் ஸ்டாண்டிற்குள் திறந்து விடப்படுகிறது. இந்த கழிவுகள் மீது பயணிகள் நடந்தும், பஸ் ஏற வேண்டிய அவல நிலை உள்ளது. மேலும், கழிவுகளிலிருந்து கிளம்பும் கடும் துர்நாற்றத்தால் பஸ் ஸ்டாண்ட் முழுவதும் கடும் துர்நாற்றம் அடித்து வருவதோடு, பஸ் ஸ்டாண்ட் கழிவு நீர் சாக்கடையாக மாறியுள்ளது.

நன்றி தினமலர்

old bus stand

இதுதவிர, தள்ளுவண்டி கடைகளும் பஸ் ஸ்டாண்டிற்குள் அதிகமாக ஆக்கிரமிக்கின்றன. இதனால், பஸ்களை நிறுத்தக்கூட வழியின்றி கடும் நெருக்கடி ஏற்படுகிறது. பஸ் ஸ்டாண்ட் வளாகத்தில் ஆங்காங்கே டூவீலர்களை நிறுத்துவதோடு, கண் மூடித்தனமாக பஸ்களுக்குள் புகுந்து செல்வதால், பயணிகள் மீது மோதும் நிலை உள்ளது.இரவு நேரத்தில் மட்டுமின்றி பகல் நேரத்திலும், பஸ் ஸ்டாண்டில் பயணிகள் அமர்வதற்காக அமைக்கப்பட்ட இருக் கைளுக்கு இடையே, அங்கு சுற்றித்திரியும் வழிப்போக்கர்கள் படுக்கின்றனர். இதனால், பயணிகள் இருக்கைகளை பயன்படுத்த முடிவதில்லை.கடந்த மாதம், மாநகராட்சி சுகாதாரத்துறை சார்பில் பழைய பஸ் ஸ்டாண்ட் வளாகம் சுத்தப்படுத்தப்பட்டது; இருக்கைகளுக்கு இடையே படுத்து கிடந்தவர்களும் துரத்தியடிக்கப்பட்டனர்.

வணிக வளாக கடைக்காரர்கள், தங்களுக்கு ஒதுக்கப்பட்ட பகுதிக்குள் பொருட்களை வைத்துக் கொள்ள வேண்டும் என்றும் எச்சரிக்கப்பட்டது.இருப்பினும். பழைய பஸ் ஸ்டாண்டுக்குள் கடைக்காரர்கள், பொருட்களை நடைபாதை பகுதிகளில் வைத்து விற்பனை செய்தனர். மாநகராட்சி சுகாதாரத்துறை அலுவலகம் உள்ள பகுதியிலேயே பலர் படுத்து உறங்கினர். பழைய பஸ் ஸ்டாண்டில் உள்ள வணிக வளாக சுவர்களும் போஸ்டர்கள் ஒட்டப்பட்டு, அலங்கோலமாக காட்சியளித்தது.

கலெக்டர் சமயமூர்த்தி, பஸ் ஸ்டாண்ட் நிலை குறித்து விசாரித்துள்ளார்; பஸ் ஸ்டாண்டில் ஆய்வு மேற்கொள்ளவும் உத்தேசித்துள்ளார். இந்நிலையில், மாநகராட்சி நிர்வாகம் நேற்று, மீண்டும் அதிரடி ஆக்ஷனில் இறங்கியது. மாநகராட்சி பணியாளர்களை கொண்டு, பஸ் ஸ்டாண்ட்டிற்குள் ஆக்கிரமிப்பை அகற்றி, போஸ்டர்களை கிழித்து அப்புறப்படுத்தியது. கண்ட இடங்களில் படுக்கை விரித்தவர்கள் துரத்தி அடிக்கப்பட்டனர். மாநகராட்சி கழிப்பிட சுவர்களுக்கு வெள்ளையடிக்கும் பணி மேற்கொள்ளப்பட்டது.

பஸ் ஸ்டாண்டில் இருந்த சுகாதார பணியாளர்களிடம் கேட்ட போது, “இனி, பழைய பஸ் ஸ்டாண்ட்டை வாரம் ஒருமுறை கழுவி சுத்தம் செய்வோம்; பஸ் ஸ்டாண்ட் வளாகத்துக்குள் யாரும் படுத்து உறங்காதபடி கண்காணிக்கப்படும்,’ என்றனர்.

பஸ் ஸ்டாண்டுக்குள் உள்ள மாநகராட்சி டூவீலர் ஸ்டாண்டுக்கு, பஸ்கள் உள்ளே நுழையும் பிரதான வழியில் மட்டுமே செல்ல முடியும். டூவீலர் ஸ்டாண்டின் முன்பகுதியிலும், பஸ் ஸ்டாண்டுக்குள்ளும் நூற்றுக்கணக்கான டூவீலர்கள் நிறுத்தப்படுகின்றன. ஸ்டாண்டில் இருந்து எடுக்கப்படும் டூவீலர்கள், நிறுத்துவதற்காக வரும் டூவீலர்கள் என அனைத்து வாகனங்களும், பஸ் ஸ்டாண்டுக்குள் நுழைந்து செல்கின்றன. இதனால், தேவையற்ற போக்குவரத்து நெரிசல் ஏற்படுகிறது. இதற்கு மாற்று வழியாக குறுக்கு சந்தைப் பயன்படுத்த முடியும். பஸ் ஸ்டாண்டுக்குள் இருந்து, காமாட்சி அம்மன் கோவில் வீதிக்குச் செல்லும் குறுக்கு சந்து, 12 அடி அகலம் உடையது. ஆனால், கொஞ்சம் கொஞ்சமாக ஆக்கிரமிக்கப்பட்டு, நடந்து மட்டுமே செல்ல முடியும் என்ற நிலை உருவாகியுள்ளது.

போதாக்குறைக்கு, குறுக்குச்சந்தின் ஓரமாக சாக்கடை வடிகால் அமைக்கப்படாமல், நடுவீதியில் வாகனங்கள் செல்ல முடியாத அளவுக்கு குழிதோண்டி, வடிகால் அமைக்கப்பட்டுள்ளது.
இதை மாற்றி, ஆக்கிரமிப்பை அகற்றி, ஓரமாக சாக்கடை கால்வாய் அமைக்க வேண்டும். பஸ் ஸ்டாண்ட் பகுதியில் இருந்து, குறுக்குச்சந்து துவங்கும் இடத்தில், டூவீலர்கள் செல்லும் வகையில் சரிவான பாதை ஏற்படுத்த வேண்டும். டூவீலர் ஸ்டாண்டில் இருந்து வெளியே செல்லும் வாகனங்கள், இவ்வழியை மட்டுமே பயன்படுத்த வேண்டும், என உத்தரவிட வேண்டும். இதன்மூலம், பஸ் ஸ்டாண்டுக்குள் தேவையற்ற நெரிசல் ஏற்படாது.

இதற்காக, பழைய இருக்கைகள் அப்புறப்படுத்தப்பட்டன. ஆனால், நடைபாதைகள் மட்டும் அமைக்கப்பட்டன; இருக்கைகள் அமைக்கப்படவில்லை. இதனால், பயணிகள் உட்கார இடமில்லாமல் ஆங்காங்கே குழந்தைகளுடன் நிற்கின்றனர்.
இதேபோல், புதிய கழிப்பிடம் அமைக்கப்படும் என தெரிவிக்கப்பட்டது. பழைய கழிப்பிடங்கள் இடிக்கப்பட்ட நிலையில், பெண்களுக்கு கழிப்பிடம் இல்லை. கழிப்பிட வசதி இல்லாததால், பஸ் ஸ்டாண்டே திறந்தவெளி கழிப்பிடமாக மாறியுள்ளது. இரவு நேரங்களில், கோவை, பழனி, கிழக்கு பகுதிக்குச் செல்லும் பஸ்கள் நிற்குமிடம், திருப்பூர், தாராபுரம் பஸ்கள் நிற்கும் இடங்களில் மின் விளக்குகள் அமைக்கப்படாமல் உள்ளதால், பஸ் ஸ்டாண்ட் முழுவதும் இருட்டாக காணப்படுகிறது.
நகராட்சி நிர்வாகத்தால் பஸ் ஸ்டாண்டுக்குள் அமைக்கப்பட்டுள்ள இரண்டு குடிநீர் தொட்டிகளும், முறையாக பாரமரிக்கப்படாமல் உள்ளதோடு, பலநாள் குடிநீர் தேங்கியுள்ளது. குடிநீர் தொட்டிகள் இரண்டும் கடும் துர்நாற்றத்துடன், நோய் பரப்பும் குடிநீர் தொட்டியாக உள்ளது.

இக்கட்சியின் மாநில செய்தி தொடர்பாளர் ரமணன் வெளியிட்டுள்ள அறிக்கை: பிப்., 14 காதலர் தினத்தன்று கலாச்சார சீரழிவு ஏற்படுத்தும் வகையில் பொது இடங்களில் காதலர்கள் அத்துமீறுகின்றனர்.

தியேட்டர்கள், பூங்கா, கோவில் வளாகம், சுற்றுலா தலங்களில் ஜோடியாக சுற்றி திரிபவர்களுக்கு அருகிலுள்ள போலீஸ் ஸ்டேஷனில் திருமணம் நடத்தி வைக்க படும்.

இதற்கான தாலி, சீர்வரிசை பொருட்கள் கட்சி சார்பில் இலவசமாக வழங்கப்பட உள்ளது. திருமூர்த்திமலை, அமராவதி அணை, ஆழியாறு போன்ற சுற்றுலாதலங்கள் மற்றும் பஸ் ஸ்டாண்ட்கள், கோவில்களில் இந்து மக்கள் கட்சி தொண்டர்கள் குழுக்களாக இப்பணியில் ஈடுபட உள்ளனர் இவ்வாறு கூறப்பட்டுள்ளது.